အေၾကာေဆး သြင္းခ်င္သူမ်ား ဒါေလး ဖတ္ၾကည့္ပါ

ရပ္ကြက္ထဲက၊ ရြာထဲက၊ လမ္းထဲက ေဆးခန္းေတြမွာ ေခတ္စားတဲ့ အသုံးအႏွုန္းတခု ရွိပါတယ္။ ကြၽန္ေတာ့္ကို/ကြၽန္မကို အေၾကာေဆးေလး သြင္းေပးပါ၊ ပုလင္းခ်ိတ္ေပးပါ၊ ေဆးေရာင္စံုေလး လႊတ္ေပးပါတဲ့။ ဒါေတြဟာ လူနာပဲျဖစ္ျဖစ္၊ဆရာဝန္ပဲျဖစ္ျဖစ္ ရင္းႏွီးျပီးသား စကားေတြပါ။ တခ်ိဳ႕ဆိုရင္ အေၾကာေဆးေလးမ်ား တလတခါေလာက္မွ မ’လႊတ္’လိုက္ရရင္ (မသြင္းလိုက္ရရင္) ေနမထိထိုင္မသာျဖစ္ျပီး လက္က ကပ္သလိုလို၊ဇက္ေၾကာက တက္သလိုလို ျဖစ္လာတတ္တယ္လို႕လည္း ဆိုပါေသးတယ္။ ဒီအေၾကာေဆးဆိုတာ ဘာလဲ၊ ဘာေတြ ေကာင္းက်ိဳးဆိုးျပစ္ရွိသလဲ၊ ဘာလို႕ ထိုးၾကတာလဲ၊ တကယ္ေရာ ထိုးဖို႕ လိုအပ္ရဲ့လား အစရွိတဲ့ ေမးခြန္းေတြရဲ့အေျဖကို ဒီေဆာင္းပါးေလးမွာ ေလ့လာၾကည့္ၾကပါစို႕။

အေၾကာေဆးဆိုတာ ဘာလဲ။

ေဆးခန္းေတြမွာ ေဆးထိုးတဲ့အခါ အသားေဆးနဲ႕ အေၾကာေဆးဆိုျပီး ေယဘုယ်အားျဖင့္ ႏွစ္မ်ိဳးရွိပါတယ္(ေယဘုယ်လို႕ ထည့္ေျပာရတာဟာ အေၾကာလည္းမဟုတ္၊အသားလည္းမဟုတ္တဲ့ ေနရာေတြကို ထိုးရတဲ့ ေဆးေတြရွိေနေသးလို႕ပါပဲ။ဒါေပမယ့္ ေဆးပညာရွင္မဟုတ္တဲ့ သာမန္ျပည္သူအတြက္ေတာ့ ႏွစ္မ်ိဳးပဲသိရင္ ရပါျပီ)။လက္ေမာင္း (ဥပမာ သုံးလခံေဆး)၊ေပါင္ (ဥပမာ ကေလးေတြမွာ ထိုးတဲ့ ကာကြယ္ေဆး)၊တင္ပါး(ဥပမာ အကိုက္အခဲေပ်ာက္ေဆး) စတဲ့ ႂကြက္သားေနရာေတြကို ထိုးတဲ့ေဆးေတြကို အသားေဆးလို႕ အလြယ္ေခၚျပီး ေသြးျပန္ေၾကာထဲ (ေသြးေၾကာထဲ) ထိုးထည့္တဲ့ ေဆးေတြကိုေတာ့ အေၾကာေဆးလို႕ ေခၚပါတယ္။အခုေျပာမယ့္ အေၾကာေဆးဆိုတာကေတာ့ အားျဖစ္တဲ့ အားေဆးလို႕ လူနာေတြအထင္ရွိျပီး တျမတ္တႏိုး အားကိုးတၾကီး ထိုးတတ္တဲ့ ေဆးမ်ိဳးေတြကို ဆိုလိုပါတယ္။

အေၾကာေဆးထဲမွာ ဘာေတြပါလဲ။

ကြၽန္ေတာ္တို႕ဆရာဝန္ေတြကေတာ့ အေၾကာေဆးကို ေကာ့ေတးဒရစ္ (cocktail drip) လို႕ ေခၚေလ့ရွိပါတယ္။သိၾကတဲ့အတိုင္း cocktail ဆိုတဲ့ အေဖ်ာ္ယမကာ ေသာက္စရာဟာ အရည္အမ်ိဳးမ်ိဳးကို ေရာစပ္ျပီး အေရာင္အေသြးလွလွပပ ရွိသလို ဒီအေၾကာေဆးဟာလည္း ဗီတာမင္ B1,B6,B12 လို႕ေခၚတဲ့ ဗီတာမင္ဘီေဆးေတြနဲ႕ ဂလူးကို႕စ္(သၾကားရည္)တို႕ကို အခ်ိဳးက်က်ေပါင္းစပ္ျပီး သင့္ေသြးေၾကာထဲ ထိုးသြင္းတာပဲ ျဖစ္ပါတယ္။

အေၾကာေဆးမွာ ဘာေတြေကာင္းက်ိဳး၊ဆိုးျပစ္ေတြ ရွိသလဲ။

ေကာင္းက်ိဳး။ ။ ဗီတာမင္ဘီဟာ အာ႐ံုေၾကာအတြက္ အဓိကအက်ိဳးျပဳတဲ့ ဗီတာမင္ဓာတ္ျဖစ္တာမို႕ သင့္ရဲ့ အာ႐ံုေၾကာဆိုင္ရာ ျပႆနာေတြကို အတိုင္းအတာ တခုအထိ ေျပလည္ေစပါလိမ့္မယ္။ဒါ့အျပင္ ဂလူးကို႕စ္သၾကားဓာတ္ဟာလည္း ေနထိုင္မေကာင္း၊ခံတြင္းပ်က္လို႕ အစာမစားခ်င္သူေတြ၊မစားႏိုင္သူေတြအတြက္ အာဟာရဓာတ္ကို တေထာင့္တေနရာကေန ျဖည့္တင္းေပးႏိုင္ပါလိမ့္မယ္။

ဆိုးျပစ္။ ။ဗီတာမင္ဘီဟာ အခ်ိဳ႕အခ်ိဳ႕သူေတြမွာ ဓာတ္မတည့္ျခင္းျပႆနာ ျဖစ္ေပၚလာတတ္ပါတယ္(အထူးသျဖင့္ ဗီတာမင္ B1ပါ)။ဒီလို ဓာတ္မတည့္ျခင္းျဖစ္ေပၚလာရင္ ေသာက္ေဆးေတြ၊အသားထိုးေဆးေတြထက္ အေၾကာေဆးဟာ အႏၲရာယ္ပိုမ်ားပါတယ္။ဘာလို႕လဲဆိုေတာ့ သူက ေသြးေၾကာထဲကို တိုက္႐ိုက္ထိုးထည့္ရလို႕ ျဖစ္ပါတယ္။အေၾကာေဆးမွာပါတဲ့ ဂလူးကို႕စ္သၾကားဓာတ္ဟာ ဆီးခ်ိဳေရာဂါရွိသူေတြမွာ ေသြးတြင္းသၾကားဓာတ္ ေဆာင့္တက္တာမ်ိဳးကို ျဖစ္ေစျပီး အသက္အႏၲရာယ္ထိ ထိခိုက္ႏိုင္ပါတယ္။ဒါ့အျပင္ တခ်ိဳ႕နယ္ဖက္ေတြမွာ ဆရာဝန္မဟုတ္သူေတြ၊ရမ္းကုေတြဟာ အေၾကာေဆးကို အားပါးတရ ေဖာေဖာသီသီ ထိုးေပးေနတဲ့အတြက္ မလိုလားအပ္တဲ့ ျပႆနာေတြကို ဖိတ္ေခၚေနသလိုပါပဲ။ ေဆးထိုးတဲ့အခါ တခါသုံးေဆးထိုးအပ္ကို အသုံးမျပဳဘူးဆိုရင္လည္း ကူးစက္ေရာဂါေတြကိုပါ အဆစ္ရမယ့္ အေျခအေနမ်ိဳးေတြ ရွိေနပါတယ္။

အေၾကာေဆးကို ဘာလို႕ ထိုးၾကတာလဲ။ တကယ္ေရာထိုးသင့္ပါသလား။

ေဆးလိပ္၊အရက္စြဲသလို အေၾကာေဆးစြဲသူေတြ ရွိတယ္လို႕ ေျပာရင္ မအံ့ဩလိုက္ပါနဲ႕။ကြၽန္ေတာ္ အေပၚမွာ ေျပာခဲ့သလိုပဲ တလတခါေလာက္မွ အေၾကာေဆးေလးမသြင္းလိုက္ရရင္ ေနမေကာင္းသလိုလို၊ဟိုေနရာက ထိုးေနသလိုလို၊ဒီေနရာက ကိုက္ေနသလိုလိုနဲ႕ အေၾကာေဆးစြဲလမ္းေနသူေတြ ဒုနဲ႕ေဒးပါ။ဒီေဆးကို ပံုမွန္ထိုးလို႕ အက်ိဳးယုတ္မယ္လို႕ မေျပာႏိုင္ေပမယ့္ အက်ိဳးထူးမယ္လို႕လည္း ကံေသကံမ မဆိုႏိုင္ပါဘူး။ လူနာေတြအေနနဲ႕ သိထားသင့္တဲ့အခ်က္ကေတာ့ အေၾကာေဆးထိုးတာထက္ အာဟာရျပည့္ဝစြာ စားေသာက္မယ္၊သင့္တင့္ေလ်ာက္ပတ္တဲ့ ကိုယ္လက္ေလ့က်င့္ခန္း ပံုမွန္လုပ္ေပးမယ္ဆိုရင္ ပုလင္းၾကီးဆယ္ပုလင္းခ်ိတ္တာထက္ ပိုထူးတဲ့ အက်ိဳးကို ေသခ်ာေပါက္ရမယ္ဆိုတာပါပဲ။ဘာအႏၲရာယ္မွလည္း မရွိပါဘူး။

ဒါေပမယ့္ ဆရာဝန္ေတြရဲ့ က်န္းမာေရးအသိပညာေပးမႈ အားနည္းေနေသးတာေၾကာင့္ လူနာအမ်ားအျပားဟာလည္း အေၾကာေဆးမွ အေၾကာေဆး ျဖစ္ေနတုန္းပါပဲ။ဆရာဝန္ေတြဖက္ကလည္း လူနာနဲ႕ မိတ္မပ်က္ခ်င္တာေၾကာင့္ အရမ္းၾကီးျပႆနာမရွိေလာက္တဲ့ အေျခအေနမ်ိဳးဆိုရင္ ထိုးေပးလိုက္ရတာ မ်ားပါတယ္။ေဆးခန္းက ကိုယ္တေယာက္တည္း ဖြင့္ထားတာမဟုတ္ေတာ့ ကိုယ္မထိုးေပးလည္းပဲ တျခားေဆးခန္းက ထိုးေပးမွာပဲေလ။နယ္ဖက္ေတြမွာဆိုရင္ ပိုဆိုးပါတယ္။ဆရာဝန္က မထိုးေပးရင္ ရမ္းကုဆီေရာက္သြားမွာပါ။

ဒါ့ေၾကာင့္ ေရွ႕တိုးထမ္းပိုး၊ေနာက္ဆုတ္လွည္းတုတ္ ဆိုသလို မလူးသာမလြန္႕သာတဲ့ အေျခအေနျဖစ္ေနပါတယ္။ဒါေပမယ့္ အေၾကာေဆးထိုးျခင္းဟာ ေန႕စဥ္သြားတိုက္၊အိမ္သာတက္သလို မလုပ္မျဖစ္ လုပ္ရမယ့္ အလုပ္မဟုတ္ဘူး။တပတ္တခါ၊တလတခါ အေၾကာေဆးထိုးျခင္းဟာ ေကာင္းက်ိဳးထက္ ဆိုးက်ိဳးပိုမ်ားတဲ့ ကိစၥဆိုတာကိုေတာ့ အမ်ားျပည္သူအေနနဲ႕ ရွင္းရွင္းလင္းလင္း သိထားသင့္ပါတယ္။

ဒီေလာက္ဆိုရင္ ေရာင္စံုေဆးရည္ေလးေတြကို ေဆးထိုးအပ္ၾကီးၾကီးနဲ႕ ထိုးေပးတဲ့ အေၾကာေဆးေတြအေၾကာင္းကို ထိုက္သင့္သေလာက္ သိသြားျပီလို႕ ေမွ်ာ္လင့္ပါတယ္။ဒီေဆးမွ မဟုတ္ပါဘူး၊ဘယ္ေဆးမဆို မလိုအပ္ဘဲ လုံးဝမထိုးသင့္တာပါ။ဘာေရာဂါမွမရွိဘဲ အားနည္းခ်င္သလိုလို ဆိုတဲ့ အေၾကာင္းျပခ်က္နဲ႕ေတာ့ အေၾကာေဆး မထိုးတာ အေကာင္းဆုံးပါပဲ။ကိုယ့္ရဲ့ ေနထိုင္သြားလာလႈပ္ရွားစားေသာက္မႈတို႕ကိုသာ ျပဳျပင္ျခင္းအားျဖင့္ အေၾကာေဆးအေပ်ာ္ထိုးျခင္းမွ ေရွာင္ရွားၾကပါစို႕လို႕ အၾကံေပးလိုက္ပါရေစ။

ေရးသားသူ Dr. Thiha Phyo Myint

ေဆးပညာပိုင္းဆုိင္ရာတည္းျဖတ္သူ Dr. Thurein Hlaing Win.

Credit : Hellosayarwon

(Unicode Version)

အကြောဆေး သွင်းချင်သူများ ဒါလေး ဖတ်ကြည့်ပါ

ရပ်ကွက်ထဲက၊ ရွာထဲက၊ လမ်းထဲက ဆေးခန်းတွေမှာ ခေတ်စားတဲ့ အသုံးအနှုန်းတခု ရှိပါတယ်။ ကျွန်တော့်ကို/ကျွန်မကို အကြောဆေးလေး သွင်းပေးပါ၊ ပုလင်းချိတ်ပေးပါ၊ ဆေးရောင်စုံလေး လွှတ်ပေးပါတဲ့။ ဒါတွေဟာ လူနာပဲဖြစ်ဖြစ်၊ဆရာဝန်ပဲဖြစ်ဖြစ် ရင်းနှီးပြီးသား စကားတွေပါ။ တချို့ဆိုရင် အကြောဆေးလေးများ တလတခါလောက်မှ မ’လွှတ်’လိုက်ရရင် (မသွင်းလိုက်ရရင်) နေမထိထိုင်မသာဖြစ်ပြီး လက်က ကပ်သလိုလို၊ဇက်ကြောက တက်သလိုလို ဖြစ်လာတတ်တယ်လို့လည်း ဆိုပါသေးတယ်။ ဒီအကြောဆေးဆိုတာ ဘာလဲ၊ ဘာတွေ ကောင်းကျိုးဆိုးပြစ်ရှိသလဲ၊ ဘာလို့ ထိုးကြတာလဲ၊ တကယ်ရော ထိုးဖို့ လိုအပ်ရဲ့လား အစရှိတဲ့ မေးခွန်းတွေရဲ့အဖြေကို ဒီဆောင်းပါးလေးမှာ လေ့လာကြည့်ကြပါစို့။

အကြောဆေးဆိုတာ ဘာလဲ။

ဆေးခန်းတွေမှာ ဆေးထိုးတဲ့အခါ အသားဆေးနဲ့ အကြောဆေးဆိုပြီး ယေဘုယျအားဖြင့် နှစ်မျိုးရှိပါတယ်(ယေဘုယျလို့ ထည့်ပြောရတာဟာ အကြောလည်းမဟုတ်၊အသားလည်းမဟုတ်တဲ့ နေရာတွေကို ထိုးရတဲ့ ဆေးတွေရှိနေသေးလို့ပါပဲ။ဒါပေမယ့် ဆေးပညာရှင်မဟုတ်တဲ့ သာမန်ပြည်သူအတွက်တော့ နှစ်မျိုးပဲသိရင် ရပါပြီ)။လက်မောင်း (ဥပမာ သုံးလခံဆေး)၊ပေါင် (ဥပမာ ကလေးတွေမှာ ထိုးတဲ့ ကာကွယ်ဆေး)၊တင်ပါး(ဥပမာ အကိုက်အခဲပျောက်ဆေး) စတဲ့ ကြွက်သားနေရာတွေကို ထိုးတဲ့ဆေးတွေကို အသားဆေးလို့ အလွယ်ခေါ်ပြီး သွေးပြန်ကြောထဲ (သွေးကြောထဲ) ထိုးထည့်တဲ့ ဆေးတွေကိုတော့ အကြောဆေးလို့ ခေါ်ပါတယ်။အခုပြောမယ့် အကြောဆေးဆိုတာကတော့ အားဖြစ်တဲ့ အားဆေးလို့ လူနာတွေအထင်ရှိပြီး တမြတ်တနိုး အားကိုးတကြီး ထိုးတတ်တဲ့ ဆေးမျိုးတွေကို ဆိုလိုပါတယ်။

အကြောဆေးထဲမှာ ဘာတွေပါလဲ။

ကျွန်တော်တို့ဆရာဝန်တွေကတော့ အကြောဆေးကို ကော့တေးဒရစ် (cocktail drip) လို့ ခေါ်လေ့ရှိပါတယ်။သိကြတဲ့အတိုင်း cocktail ဆိုတဲ့ အဖျော်ယမကာ သောက်စရာဟာ အရည်အမျိုးမျိုးကို ရောစပ်ပြီး အရောင်အသွေးလှလှပပ ရှိသလို ဒီအကြောဆေးဟာလည်း ဗီတာမင် B1,B6,B12 လို့ခေါ်တဲ့ ဗီတာမင်ဘီဆေးတွေနဲ့ ဂလူးကို့စ်(သကြားရည်)တို့ကို အချိုးကျကျပေါင်းစပ်ပြီး သင့်သွေးကြောထဲ ထိုးသွင်းတာပဲ ဖြစ်ပါတယ်။

အကြောဆေးမှာ ဘာတွေကောင်းကျိုး၊ဆိုးပြစ်တွေ ရှိသလဲ။

ကောင်းကျိုး။ ။ ဗီတာမင်ဘီဟာ အာရုံကြောအတွက် အဓိကအကျိုးပြုတဲ့ ဗီတာမင်ဓာတ်ဖြစ်တာမို့ သင့်ရဲ့ အာရုံကြောဆိုင်ရာ ပြဿနာတွေကို အတိုင်းအတာ တခုအထိ ပြေလည်စေပါလိမ့်မယ်။ဒါ့အပြင် ဂလူးကို့စ်သကြားဓာတ်ဟာလည်း နေထိုင်မကောင်း၊ခံတွင်းပျက်လို့ အစာမစားချင်သူတွေ၊မစားနိုင်သူတွေအတွက် အာဟာရဓာတ်ကို တထောင့်တနေရာကနေ ဖြည့်တင်းပေးနိုင်ပါလိမ့်မယ်။

ဆိုးပြစ်။ ။ဗီတာမင်ဘီဟာ အချို့အချို့သူတွေမှာ ဓာတ်မတည့်ခြင်းပြဿနာ ဖြစ်ပေါ်လာတတ်ပါတယ်(အထူးသဖြင့် ဗီတာမင် B1ပါ)။ဒီလို ဓာတ်မတည့်ခြင်းဖြစ်ပေါ်လာရင် သောက်ဆေးတွေ၊အသားထိုးဆေးတွေထက် အကြောဆေးဟာ အန္တရာယ်ပိုများပါတယ်။ဘာလို့လဲဆိုတော့ သူက သွေးကြောထဲကို တိုက်ရိုက်ထိုးထည့်ရလို့ ဖြစ်ပါတယ်။အကြောဆေးမှာပါတဲ့ ဂလူးကို့စ်သကြားဓာတ်ဟာ ဆီးချိုရောဂါရှိသူတွေမှာ သွေးတွင်းသကြားဓာတ် ဆောင့်တက်တာမျိုးကို ဖြစ်စေပြီး အသက်အန္တရာယ်ထိ ထိခိုက်နိုင်ပါတယ်။ဒါ့အပြင် တချို့နယ်ဖက်တွေမှာ ဆရာဝန်မဟုတ်သူတွေ၊ရမ်းကုတွေဟာ အကြောဆေးကို အားပါးတရ ဖောဖောသီသီ ထိုးပေးနေတဲ့အတွက် မလိုလားအပ်တဲ့ ပြဿနာတွေကို ဖိတ်ခေါ်နေသလိုပါပဲ။ ဆေးထိုးတဲ့အခါ တခါသုံးဆေးထိုးအပ်ကို အသုံးမပြုဘူးဆိုရင်လည်း ကူးစက်ရောဂါတွေကိုပါ အဆစ်ရမယ့် အခြေအနေမျိုးတွေ ရှိနေပါတယ်။

အကြောဆေးကို ဘာလို့ ထိုးကြတာလဲ။ တကယ်ရောထိုးသင့်ပါသလား။

ဆေးလိပ်၊အရက်စွဲသလို အကြောဆေးစွဲသူတွေ ရှိတယ်လို့ ပြောရင် မအံ့ဩလိုက်ပါနဲ့။ကျွန်တော် အပေါ်မှာ ပြောခဲ့သလိုပဲ တလတခါလောက်မှ အကြောဆေးလေးမသွင်းလိုက်ရရင် နေမကောင်းသလိုလို၊ဟိုနေရာက ထိုးနေသလိုလို၊ဒီနေရာက ကိုက်နေသလိုလိုနဲ့ အကြောဆေးစွဲလမ်းနေသူတွေ ဒုနဲ့ဒေးပါ။ဒီဆေးကို ပုံမှန်ထိုးလို့ အကျိုးယုတ်မယ်လို့ မပြောနိုင်ပေမယ့် အကျိုးထူးမယ်လို့လည်း ကံသေကံမ မဆိုနိုင်ပါဘူး။ လူနာတွေအနေနဲ့ သိထားသင့်တဲ့အချက်ကတော့ အကြောဆေးထိုးတာထက် အာဟာရပြည့်ဝစွာ စားသောက်မယ်၊သင့်တင့်လျောက်ပတ်တဲ့ ကိုယ်လက်လေ့ကျင့်ခန်း ပုံမှန်လုပ်ပေးမယ်ဆိုရင် ပုလင်းကြီးဆယ်ပုလင်းချိတ်တာထက် ပိုထူးတဲ့ အကျိုးကို သေချာပေါက်ရမယ်ဆိုတာပါပဲ။ဘာအန္တရာယ်မှလည်း မရှိပါဘူး။

ဒါပေမယ့် ဆရာဝန်တွေရဲ့ ကျန်းမာရေးအသိပညာပေးမှု အားနည်းနေသေးတာကြောင့် လူနာအများအပြားဟာလည်း အကြောဆေးမှ အကြောဆေး ဖြစ်နေတုန်းပါပဲ။ဆရာဝန်တွေဖက်ကလည်း လူနာနဲ့ မိတ်မပျက်ချင်တာကြောင့် အရမ်းကြီးပြဿနာမရှိလောက်တဲ့ အခြေအနေမျိုးဆိုရင် ထိုးပေးလိုက်ရတာ များပါတယ်။ဆေးခန်းက ကိုယ်တယောက်တည်း ဖွင့်ထားတာမဟုတ်တော့ ကိုယ်မထိုးပေးလည်းပဲ တခြားဆေးခန်းက ထိုးပေးမှာပဲလေ။နယ်ဖက်တွေမှာဆိုရင် ပိုဆိုးပါတယ်။ဆရာဝန်က မထိုးပေးရင် ရမ်းကုဆီရောက်သွားမှာပါ။

ဒါ့ကြောင့် ရှေ့တိုးထမ်းပိုး၊နောက်ဆုတ်လှည်းတုတ် ဆိုသလို မလူးသာမလွန့်သာတဲ့ အခြေအနေဖြစ်နေပါတယ်။ဒါပေမယ့် အကြောဆေးထိုးခြင်းဟာ နေ့စဉ်သွားတိုက်၊အိမ်သာတက်သလို မလုပ်မဖြစ် လုပ်ရမယ့် အလုပ်မဟုတ်ဘူး။တပတ်တခါ၊တလတခါ အကြောဆေးထိုးခြင်းဟာ ကောင်းကျိုးထက် ဆိုးကျိုးပိုများတဲ့ ကိစ္စဆိုတာကိုတော့ အများပြည်သူအနေနဲ့ ရှင်းရှင်းလင်းလင်း သိထားသင့်ပါတယ်။

ဒီလောက်ဆိုရင် ရောင်စုံဆေးရည်လေးတွေကို ဆေးထိုးအပ်ကြီးကြီးနဲ့ ထိုးပေးတဲ့ အကြောဆေးတွေအကြောင်းကို ထိုက်သင့်သလောက် သိသွားပြီလို့ မျှော်လင့်ပါတယ်။ဒီဆေးမှ မဟုတ်ပါဘူး၊ဘယ်ဆေးမဆို မလိုအပ်ဘဲ လုံးဝမထိုးသင့်တာပါ။ဘာရောဂါမှမရှိဘဲ အားနည်းချင်သလိုလို ဆိုတဲ့ အကြောင်းပြချက်နဲ့တော့ အကြောဆေး မထိုးတာ အကောင်းဆုံးပါပဲ။ကိုယ့်ရဲ့ နေထိုင်သွားလာလှုပ်ရှားစားသောက်မှုတို့ကိုသာ ပြုပြင်ခြင်းအားဖြင့် အကြောဆေးအပျော်ထိုးခြင်းမှ ရှောင်ရှားကြပါစို့လို့ အကြံပေးလိုက်ပါရစေ။

ရေးသားသူ Dr. Thiha Phyo Myint

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

Credit : Hellosayarwon

ကမ႓ာေပၚက အႀကီးဆံုး ၾကာပင္