ဒ႐ုန္းနဲ႔ ဓာတ္ပုံရိုက္ဖို႔ ႀကိဳးစားသူေတြကို ေထာင္ ၂ လခ်

အေဝးထိန္း ဒ႐ုန္းယာဥ္ပ်ံ နဲ႔ ဓာတ္ပုံရိုက္ကူးဖို႔ ႀကိဳးပမ္းလို႔ ဖမ္းဆီး ခံထားရတဲ့ တူရကီ အေျခစိုက္ TRT သတင္းဌာနက နိုင္ငံျခား သတင္းေထာက္ (၂)ဦး၊ သတင္းဌာန အတြက္ စကားျပန္ လုပ္ေပးေနတဲ့ ကိုေအာင္နိုင္စိုး နဲ႔ ယာဥ္ေမာင္း တဦးကို ဇဗၺဴသီရိၿမိဳ႕နယ္ တရား႐ုံးက ေလေၾကာင္း အက္ဥပေဒပုဒ္မ (၁၀) အရ အလုပ္ၾကမ္း ေထာင္ဒဏ္ (၂) လစီ ခ်မွတ္လိုက္ပါတယ္။

သူတို႔ေတြဟာ ေအာက္တိုဘာလ ၂၇ ရက္က ေနျပည္ေတာ္ လႊတ္ေတာ္ နဲ႔ တျခား အေဆာက္အဦေတြကို ခြင့္ျပဳခ်က္မရွိဘဲ ဒ႐ုန္းနဲ႔ ရိုက္ကူးဖို႔ ႀကိဳးပမ္းခဲ့တာေၾကာင့္ သြင္းကုန္ ထုတ္ကုန္ အက္ဥပေဒနဲ႔ အဖမ္းခံခဲ့ရတာ ျဖစ္ပါတယ္။

အခုေတာ့ သူတို႔ (၄)ဦးစလုံးကို ေလေၾကာင္း အက္ဥပေဒနဲ႔ တရား႐ုံးက ေထာင္ဒဏ္၂ လ ခ်မွတ္လိုက္ၿပီး ရမည္းသင္း အက်ဥ္းေထာင္ကို ပို႔ေဆာင္လိုက္ၿပီ ျဖစ္ပါတယ္။

သူတို႔ကို မူလ စြဲဆိုထားတဲ့ သြင္းကုန္ထုတ္ကုန္ ဥပေဒပုဒ္မနဲ႔ ပတ္သက္လို႔ အာမခံ ေလၽွာက္ထားတာကိုေတာ့ တရားသူႀကီးက ပလပ္ လိုက္ပါတယ္။ အဲ့ဒီအမွုကိုေတာ့ လာမယ့္ (၁၆) ရက္ေန႔ ႐ုံးခ်ိန္းမွာ စစ္ေဆးမွာ ျဖစ္ပါတယ္။

Source : BBC Burmese

(Unicode Version)

ဒရုန်းနဲ့ ဓာတ်ပုံရိုက်ဖို့ ကြိုးစားသူတွေကို ထောင် ၂ လချ

အဝေးထိန်း ဒရုန်းယာဉ်ပျံ နဲ့ ဓာတ်ပုံရိုက်ကူးဖို့ ကြိုးပမ်းလို့ ဖမ်းဆီး ခံထားရတဲ့ တူရကီ အခြေစိုက် TRT သတင်းဌာနက နိုင်ငံခြား သတင်းထောက် (၂)ဦး၊ သတင်းဌာန အတွက် စကားပြန် လုပ်ပေးနေတဲ့ ကိုအောင်နိုင်စိုး နဲ့ ယာဉ်မောင်း တဦးကို ဇဗ္ဗူသီရိမြို့နယ် တရားရုံးက လေကြောင်း အက်ဥပဒေပုဒ်မ (၁၀) အရ အလုပ်ကြမ်း ထောင်ဒဏ် (၂) လစီ ချမှတ်လိုက်ပါတယ်။

သူတို့တွေဟာ အောက်တိုဘာလ ၂၇ ရက်က နေပြည်တော် လွှတ်တော် နဲ့ တခြား အဆောက်အဦတွေကို ခွင့်ပြုချက်မရှိဘဲ ဒရုန်းနဲ့ ရိုက်ကူးဖို့ ကြိုးပမ်းခဲ့တာကြောင့် သွင်းကုန် ထုတ်ကုန် အက်ဥပဒေနဲ့ အဖမ်းခံခဲ့ရတာ ဖြစ်ပါတယ်။

အခုတော့ သူတို့ (၄)ဦးစလုံးကို လေကြောင်း အက်ဥပဒေနဲ့ တရားရုံးက ထောင်ဒဏ်၂ လ ချမှတ်လိုက်ပြီး ရမည်းသင်း အကျဉ်းထောင်ကို ပို့ဆောင်လိုက်ပြီ ဖြစ်ပါတယ်။

သူတို့ကို မူလ စွဲဆိုထားတဲ့ သွင်းကုန်ထုတ်ကုန် ဥပဒေပုဒ်မနဲ့ ပတ်သက်လို့ အာမခံ လျှောက်ထားတာကိုတော့ တရားသူကြီးက ပလပ် လိုက်ပါတယ်။ အဲ့ဒီအမှုကိုတော့ လာမယ့် (၁၆) ရက်နေ့ ရုံးချိန်းမှာ စစ်ဆေးမှာ ဖြစ်ပါတယ်။

Source : BBC Burmese

ကမ႓ာေပၚက အႀကီးဆံုး ၾကာပင္