ကြမ္းရြက္ (၃၆) ရြက္ျဖင့္ ေျမေအာက္ကေရ ေပ ဘယ္ေလာက္မွာ ရွိတယ္ဆိုတာ တိုင္းတာႏိုင္တဲ့နည္း

ျမန္မာ့ နည္းျဖင့္ ေျမၾကီးေအာက္တြင္ ေရ ရွိ မရွိ ေရ နီး မနီး ကြမ္းရႊက္ျဖင့္ စမ္းသပ္တဲ့ နည္း

ေရအသက္-တမနက္၊ ဆိုတဲ့စကားကို လူတိုင္း ၾကားဖူးၾကပါလိမ့္မယ္။ ေရသည္ မရွိမျဖစ္ အဓိကလိုအပ္ခ်က္ ျဖစ္ေနေသာေၾကာင့္ ေရကို အမ်ိဳးမ်ိဳး ရွာေဖြေနၾကပါသည္။ ေတာေတာင္ ေျမျပန္႔ ေနရာမလပ္ေအာင္ပင္ လူတို႔သည္ ေရကိုရရွိေအာင္ ႀကိဳးစားလ်က္ရွိၾကပါသည္။ ေက်းလက္ေဒသမ်ား၊ ျမိဳ႔ျပေနရာမ်ားတြင္လည္း ရိုးရာပညာ၊ ေခတ္မီစက္ကိရိယာမ်ားျဖင့္ လက္ရိုက္တြင္းမ်ား၊ အဝီစိတြင္းမ်ား စသည္ျဖင့္ စမ္းသပ္ရွာေဖြေနၾကရာတြင္ တခ်ိဳ႔လည္း ေအာင္ျမင္၍ တခ်ိဳ႔လည္း မေအာင္ျမင္ဘဲ ရွိၾကပါသည္။

ထိုသို႔ အျဖစ္အပ်က္မ်ားကို စာေရးသူကိုယ္တိုင္ ျမင္ေတြ႔ခဲ့ရေသာေၾကာင့္ လက္ေတြ႔ေအာင္ျမင္ေသာ ေရရွိရာ ေနရာ၊ ေပ အနက္ စသည္ျဖင့္ တိက်စြာ ေရရွိ-မရွိ စမ္းသပ္သည့္ ျမန္မာ့ရိုးရာ နည္းပညာကို ဘဒၵႏၲ စေႏၵာဘာသ၊ ဥကၠ႒၊ ျမိဳ႔နယ္သံဃနာယကအဖြဲ႔၊ မဟာသိမ္ေတာ္ေက်ာင္း သာသနာျပဳ ဆရာေတာ္ႀကီး၏ ေျခေတာ္ရင္းတြင္ ပညာဆည္းပူးရင္း သရက္ေတာေက်ာင္း ေရတြင္း၊ ျပည္သူ႔ေဆးရံု ေရတြင္း၊ လက္ခုပ္ပင္ေက်းရြာ ေရတြင္း စသည္တို႔ကို တူးစဥ္က ၾကားနာ မွတ္သားခဲ့ရသည္မ်ားကို ပညာေဝငွလိုက္ပါသည္။

မိတ္ေဆြ၊ သင္ ေရတြင္း တူးေတာ့မည္ဆိုလွ်င္ ေရ ရွိ-မရွိ၊ အေတာင္ ဘယ္ေလာက္ တူးရမလဲ၊ တိက်စြာ တူးႏိုင္ဖို႔အေရးအတြက္ ပထမဦးစြာ— ကြမ္းရြက္ ၃၆-ရြက္ကို အညွာမျဖတ္၊ အဖ်ားမျဖတ္၊ အေပါက္အျပဲ မပါတာကို ေရေဆးျပီး (၁)မိနစ္မွ် ေရစိမ္ထားပါ။ ဒုတိယဆင့္တြင္ မိမိတူးလိုသည့္ေျမေနရာကို ဝါးျခမ္းျပားျဖင့္ ေရအစိုဓာတ္ ေတြ႔သည့္တိုင္ေအာင္ ျခစ္ပါ။ အစိုျပန္လာပါက ကြမ္းရြက္ (၃၆)ရြက္ကို ညီေအာင္ ထပ္၍ တူးမယ့္ေျမေပၚတြင္ အထပ္လိုက္ ေမွာက္ခ်ျပီး ၄င္းအေပၚကေန သပိတ္ျဖစ္ေစ၊ ႏႈတ္ခမ္းညီေသာ သံပံုးျဖစ္ေစ၊ ေလလံုသည့္ သပိတ္၊ ေရပံုး ရရာကို ယူျပီး ေလမဝင္ေအာင္ ေမွာက္ထားပါ။

နံနက္မိုးလင္းသည္ႏွင့္ ၄င္းကြမ္းရြက္ကို အထပ္လိုက္ လွန္ျပီး တရြက္ခ်င္း ဖယ္ၾကည့္လိုက္ပါ။ ေရေၾကာ ေရရွိမယ့္ေနရာသည္ ဆယ္ေတာင္အနက္မွာဆိုလွ်င္ ဆယ္ရြက္ေျမာက္ ကြမ္းရြက္၏ မ်က္ႏွာျပင္မွာ ေရဥကေလးေတြ စိုေနျပီး (၉)ရြက္ကေန ေအာက္ဆံုးအရြက္တို႔မွာ ေျခာက္ေသြ႔ေနပါသည္။

ေရသည္ (၁၅)ေတာင္မွာ ရွိမည္ဆိုလွ်င္ (၁၅)ရြက္ေျမာက္ ကြမ္းရြက္တြင္၄င္း၊အေတာင္ (၂၀)မွာရွိမည္ဆိုလွ်င္ အရြက္ (၂၀)ေျမာက္ ကြမ္းရြက္တြင္၄င္း ေရစိုစြတ္ျပီး တြဲခိုေနသည္ကို ေတြ႔ရပါမည္။

ေရ ရွာ၍တိက်ျပီး ေခတ္မီကိရိယာမ်ား မလိုဘဲ အလြယ္တကူ ရမည္ျဖစ္ပါေၾကာင္း ေရးသားရင္း ဆရာေတာ္အား ဦးတိုက္လိုက္ပါသည္ ခင္ဗ်ား။

Credit : ဒီလႈိင္း(သပိတ္က်င္း)

(Unicode Version)

ကွမ်းရွက် (၃၆) ရွက်ဖြင့် မြေအောက်ကရေ ပေ ဘယ်လောက်မှာ ရှိတယ်ဆိုတာ တိုင်းတာနိုင်တဲ့နည်း

မြန်မာ့ နည်းဖြင့် မြေကြီးအောက်တွင် ရေ ရှိ မရှိ ရေ နီး မနီး ကွမ်းရွှက်ဖြင့် စမ်းသပ်တဲ့ နည်း

ရေအသက်-တမနက်၊ ဆိုတဲ့စကားကို လူတိုင်း ကြားဖူးကြပါလိမ့်မယ်။ ရေသည် မရှိမဖြစ် အဓိကလိုအပ်ချက် ဖြစ်နေသောကြောင့် ရေကို အမျိုးမျိုး ရှာဖွေနေကြပါသည်။ တောတောင် မြေပြန့် နေရာမလပ်အောင်ပင် လူတို့သည် ရေကိုရရှိအောင် ကြိုးစားလျက်ရှိကြပါသည်။ ကျေးလက်ဒေသများ၊ မြို့ပြနေရာများတွင်လည်း ရိုးရာပညာ၊ ခေတ်မီစက်ကိရိယာများဖြင့် လက်ရိုက်တွင်းများ၊ အဝီစိတွင်းများ စသည်ဖြင့် စမ်းသပ်ရှာဖွေနေကြရာတွင် တချို့လည်း အောင်မြင်၍ တချို့လည်း မအောင်မြင်ဘဲ ရှိကြပါသည်။

ထိုသို့ အဖြစ်အပျက်များကို စာရေးသူကိုယ်တိုင် မြင်တွေ့ခဲ့ရသောကြောင့် လက်တွေ့အောင်မြင်သော ရေရှိရာ နေရာ၊ ပေ အနက် စသည်ဖြင့် တိကျစွာ ရေရှိ-မရှိ စမ်းသပ်သည့် မြန်မာ့ရိုးရာ နည်းပညာကို ဘဒ္ဒန္တ စန္ဒောဘာသ၊ ဥက္ကဋ္ဌ၊ မြို့နယ်သံဃနာယကအဖွဲ့၊ မဟာသိမ်တော်ကျောင်း သာသနာပြု ဆရာတော်ကြီး၏ ခြေတော်ရင်းတွင် ပညာဆည်းပူးရင်း သရက်တောကျောင်း ရေတွင်း၊ ပြည်သူ့ဆေးရုံ ရေတွင်း၊ လက်ခုပ်ပင်ကျေးရွာ ရေတွင်း စသည်တို့ကို တူးစဉ်က ကြားနာ မှတ်သားခဲ့ရသည်များကို ပညာဝေငှလိုက်ပါသည်။

မိတ်ဆွေ၊ သင် ရေတွင်း တူးတော့မည်ဆိုလျှင် ရေ ရှိ-မရှိ၊ အတောင် ဘယ်လောက် တူးရမလဲ၊ တိကျစွာ တူးနိုင်ဖို့အရေးအတွက် ပထမဦးစွာ— ကွမ်းရွက် ၃၆-ရွက်ကို အညှာမဖြတ်၊ အဖျားမဖြတ်၊ အပေါက်အပြဲ မပါတာကို ရေဆေးပြီး (၁)မိနစ်မျှ ရေစိမ်ထားပါ။ ဒုတိယဆင့်တွင် မိမိတူးလိုသည့်မြေနေရာကို ဝါးခြမ်းပြားဖြင့် ရေအစိုဓာတ် တွေ့သည့်တိုင်အောင် ခြစ်ပါ။ အစိုပြန်လာပါက ကွမ်းရွက် (၃၆)ရွက်ကို ညီအောင် ထပ်၍ တူးမယ့်မြေပေါ်တွင် အထပ်လိုက် မှောက်ချပြီး ၄င်းအပေါ်ကနေ သပိတ်ဖြစ်စေ၊ နှုတ်ခမ်းညီသော သံပုံးဖြစ်စေ၊ လေလုံသည့် သပိတ်၊ ရေပုံး ရရာကို ယူပြီး လေမဝင်အောင် မှောက်ထားပါ။

နံနက်မိုးလင်းသည်နှင့် ၄င်းကွမ်းရွက်ကို အထပ်လိုက် လှန်ပြီး တရွက်ချင်း ဖယ်ကြည့်လိုက်ပါ။ ရေကြော ရေရှိမယ့်နေရာသည် ဆယ်တောင်အနက်မှာဆိုလျှင် ဆယ်ရွက်မြောက် ကွမ်းရွက်၏ မျက်နှာပြင်မှာ ရေဥကလေးတွေ စိုနေပြီး (၉)ရွက်ကနေ အောက်ဆုံးအရွက်တို့မှာ ခြောက်သွေ့နေပါသည်။

ရေသည် (၁၅)တောင်မှာ ရှိမည်ဆိုလျှင် (၁၅)ရွက်မြောက် ကွမ်းရွက်တွင်၄င်း၊အတောင် (၂၀)မှာရှိမည်ဆိုလျှင် အရွက် (၂၀)မြောက် ကွမ်းရွက်တွင်၄င်း ရေစိုစွတ်ပြီး တွဲခိုနေသည်ကို တွေ့ရပါမည်။

ရေ ရှာ၍တိကျပြီး ခေတ်မီကိရိယာများ မလိုဘဲ အလွယ်တကူ ရမည်ဖြစ်ပါကြောင်း ရေးသားရင်း ဆရာတော်အား ဦးတိုက်လိုက်ပါသည် ခင်ဗျား။

Credit : ဒီလှိုင်း(သပိတ်ကျင်း)

ကမ႓ာေပၚက အႀကီးဆံုး ၾကာပင္