အပူလောင်ခြင်းကြောင့် ဖြစ်ပေါ်လာတဲ့ အမာရွတ်တွေကို ပျောက်ကင်းစေမည့် နည်းလမ်းများ

(၁) ကြက်ဥ ပြုတ်ပီး အကာကိုဖယ်ပါ ။ အနှစ်ကို ဒယ်အိုး သန့်သန့်နဲ့ မီးအပူ ပေးလှော်ပါ ။ အရည် ပျော်အောင်ထိပေါ့။ အရည်ပျော်လာရင် ဆီလိုဖြစ်လာပါလိမ့်မည်။ ၎င်းကိုအနာမှာ လိမ်းပေးကြပါ။ ကျွန်တော် လက်တွေ့သုံးခဲ့တာ မီးလောင်ဒဏ်ရာတောင် ပျောက်တယ် ။ အမာရွက်လို့တောင် မရှိဘူး နဂိုအသားတိုင်း ပြန်ဖြစ်ပါတယ်။

(၂) ကြက်သား၏ အဆီကို ကြော်ထားသော ဆီကို အပူလောင် အနာများကို လိမ်းပေးလျင်လည်း သက်သာပျောက်ကင်းပြီး အနာအမာရွတ် မကျန်ပါ။တကယ်ကောင်းသော လက်တွေ့ဆေးနည်းပါ ။

(၃) ဆီပူလောင်၊ အပူလောင် အမာရွတ်ဟောင်းများအား ကွမ်းသီးခြောက်ကို သွေးလူးပေးပါ ။ အမာရွတ်ပျောက်ကင်းပါသည်။ စိတ်ရှည်ရှည်နဲ့ လူးပါ။

(၄) ဆီပူလောင်တာမျိုးပဲ ဖြစ်ဖြစ် ဒါမှမဟုတ် ပူနေတဲ့ အရာဝတ္ထုတခုခုနဲ့ ကပ်မိတဲ့အခါမျိုးမှာပဲဖြစ်ဖြစ်၊အပူလောင်သွားတဲ့ အရေပြားနေရာပေါ်ကို ရေခဲရေနဲ့ လောင်းပေးပြီးအိမ်မှာ အလွယ်တကူရှိတဲ့ သွားတိုက်ဆေး အနည်းငယ်ကို ပွတ်လိမ်း ပေးထားခြင်းအားဖြင့် အပူလောင်ခြင်းကြောင့် အရည်ကြည်ဖုထခြင်းကို သက်သာပျောက်ကင်းစေနိုင်ပါတယ်။

(၅) ပျားရည်ဟာ အသေးစား အပူလောင်ဒဏ်ရာတွေအတွက် အသင့်တော်ဆုံး သဘာဝပစ္စည်း တစ်မျိုး ဖြစ်ပါတယ်။ အပူလောင်ထားတဲ့ အရေပြားပေါ်ကို ပျားရည်အနည်းငယ် သုတ်လိမ်းပေးခြင်းအားဖြင့်အပူလောင်ခြင်းကြောင့် ခံစားရတဲ့ စပ်ဖျင်းဖျင်း ဝေဒနာတွေကို သက်သာစေတဲ့အပြင် ကူးစက်ပိုးတွေ ဝင်ရောက်ခြင်းကနေလည်း ကာကွယ်ပေးနိုင်ပါတယ်။

(၆) အုန်းဆီမှာ ဗီတာမင်အီးနဲ့ Fatty Acid တို့ပါဝင်တာကြောင့် အပူလောင်ခြင်းကို သက်သာစေနိုင်ပြီး သံပုရာရည်နဲ့ အုန်းဆီတို့ကို ရောစပ်ပြီး အပူလောင်ဒဏ်ရာပေါ် လိမ်းပေးခြင်းအားဖြင့် အပူလောင်ဒဏ်ရာကြောင့် ကျန်ခဲ့တဲ့ အမာရွတ်ကို ပျောက်ကင်းစေနိုင်ပါတယ်။

(၇) နွားနို့မှာ ပရိုတင်းဓာတ်နဲ့ အဆီဓာတ် ကြွယ်ဝစွာ ပါဝင်တာကြောင့် အပူလောင်သွားတဲ့ အရေပြားကို အနာကျက် မြန်စေမှာ ဖြစ်ပါတယ်။ အပူလောင်ထားတဲ့ အရေပြားပေါ်ကို နွားနို့နဲ့ သေချာစွာဆေးကြော သန့်စင်ပေးရုံနဲ့အရေပြားကို အေးမြစေပြီး ရေဓာတ်ပြည့်နေစေမှာ ဖြစ်ပါတယ်။

(၈) ရှာလကာရည်မှာ ပါဝင်တဲ့ Ascetic Acid ဟာ အပူလောင်ခြင်းကြောင့် ရောင်ရမ်းခြင်း၊ နာကျင်ခြင်းနဲ့ အရည်ကြည်ဖု ထခြင်းတို့ကို ပျောက်ကင်းစေနိုင်ပါတယ်။ အပူလောင်ထားတဲ့ အရေပြားကို ရှာလကာရည် အနည်းငယ် လောင်းချပေးပြီး ရေအေးအေးနဲ့ ပြန်လည် ဆေးကြောပေးရုံနဲ့ သက်သာပျောက်ကင်းစေမှာ ဖြစ်ပါတယ်။

Credit : မူရင်းရေးသားသူ