လက်ဖက်ကြက်ဥ ပြုလုပ်နည်းနှင့် အကျိုး အာနိသင်

လက်ဖက်ကြက်ဥ ဆိုသည်မှာ တရုတ်ပြည် ဟန်လူမျိုးတို့၏ ရှေးယခင်ခေတ် ကတည်းက စားသုံးခဲ့ သော အစားအစာတစ်မျိုးဖြစ်ပါတယ်။ လက်ဖက်ကြက်ဥဟာ ယနေ့ခေတ်တရုတ်ပြည်ရှိ လူများ မနက်စာအဖြစ် စားသုံးလေ့ရှိကြတဲ့ Breakfast တစ်မျိုးပါ။ ယခုခေတ်မှာတော့ မြန်မာပြည် မန္တလေးမြို့ရှိ မနက်စာရှမ်းခေါက်ဆွဲ ရောင်းတဲ့ဆိုင်တွေမှာလည်း တွဲဖက်ရောင်းချလာတာကို တွေ့မြင်နိုင်ပါတယ်။ ထို့ကြောင့် လက်ဖက်ကြက်ဥ၏ ကောင်းကျိုးအာနိသင်များနှင့် ပြုလုပ်ပုံအကြောင်းရေးသားလိုက်ပါတယ်။

လက်ဖက်ကြက်ဥ ကောင်းကျိုးအာနိသင်

လက်ဖက်ထဲတွင် ကဖိန်းဓာတ် (caffeine) ပါဝင်သောကြောင့် ဦးနှောက်ကို လန်းဆန်းစေပြီး ပင်ပန်းမှုတွေကို သက်သာစေပါတယ်။ တယ်နစ်အက်ဆစ် (tannic acid) ဓာတ် ပါဝင်သောကြောင့် လေဖြတ်ခြင်းကို ကာကွယ်ပေးနိုင်တယ်။ ဖလိုရိုက် (fluoride) ပါဝင်သောကြောင့် သွားနာကျင် ကိုက်ခဲခြင်း ကို လည်း ကာကွယ်ပေးနိုင်ပါတယ်။ black tea (လက်ဖက်ခြောက်ကြမ်း) ဟာ အရေပြား ကင်ဆာကို ကုသ ပေးနိုင်သောကြောင့် အသားအရေ လှပချင်သူတွေ အတွက် အစားတစ်မျိုးပါ။

green tea (လက်ဖက်ခြောက်စိမ်း) ဟာ ပိုလီဖီနော (polyphenols) ဓာတ် ပါဝင်သောကြောင့် လူတော်တော် များများ သိကြသော အောက်ဆီဒက် (oxidant) ဓာတ်ကို ခုခံပေးနိုင်ပါတယ်။ ကင်ဆာရောဂါကို ကာကွယ် ခုခံနိုင်သည့် အပြင် အိုမင်းရင့်ရော်ခြင်းမှကင်းဝေးပြီး anti-inflammatory ခေါ် ပိုးမွှားများဒဏ်မှလည်း ကာကွယ်နိုင်ပါတယ်။ ဒါ့ကြောင့် သင့်တော်စွာစားသုံးခြင်းသည် ကျန်းမာရေး အထောက်အကူပြုစေနိုင်တယ်။

ကြက်ဥ

ကြက်ဥထဲတွင် အမိုင်နိုအက်ဆစ်ဓာတ် (amino acid)၊ ပရိုတင်းဓာတ် (protein) နှင့် ဗီတာမင် မြောက်များစွာ ပါဝင်သောကြောင့် ကြက်ဥကို ပြုတ်၊ ချက်၊ ကြော်၊ ပေါင်း စားသုံးနိုင်ပါတယ်။ ကြက်ဥကို တစ်နေ့ တစ်လုံး-နှစ်လုံးခန့် စားသုံးခြင်းဖြင့် ခန္ဓာကိုယ်တွင် လိုအပ်သော အာဟာရဓာတ်များကို ဖြည့်ဆည်း ပေးပါတယ်။

ကြက်ဥစားခြင်းဟာ ကျန်းမာရေးအတွက် များစွာအထောက်အကူပြုတဲ့အတွက် မနက်စာတွင် ကြက်ဥ တစ်လုံးစားပေးခြင်းသည် ပိုကျန်းမာလာစေသည်။ ရိုးရိုးကြက်ဥပြုတ်စားခြင်းသည် အရသာပေါ့နေမည် ဖြစ်သောကြောင့် တရုတ်ပြည်ရှိ ရှေးယခင်လူများက လက်ဖက်ကြက်ဥကို တီထွင်စားသုံးခဲ့ခြင်းဖြစ်တယ်။ လက်ဖက်ကြက်ဥဟာ မနက်စာအဖြစ် စားသုံးနိုင်သကဲ့သို့ သရေစာမုန့်အနေဖြင့်လည်း စားသုံးနိုင်ပါတယ်။

(ဒါ့အပြင် ကြက်ဥ (ဥအမျိုးမျိုး)မှာ

(၁) အာဟာရဓါတ်တွေ ကြွယ်ဝစွာပါဝင်သည်။

– နေ့စဥ်လိုအပ်တဲ့ Vitamin D ရဲ့ 40% ခန့်ပါဝင်

– နေ့စဥ်လိုအပ်တဲ့ folate ပမာဏရဲ့ 25% ခန့်ပါဝင်

– နေ့စဥ်လိုအပ်တဲ့ riboflavin (Vitamin B2) ရဲ့ 12% ခန့်ပါဝင်

– နေ့စဥ်လိုအပ်တဲ့ selenium ရဲ့ 20%

– ဒါ့အပြင် vitamins A, E, B5, B12, iron, iodine နဲ့ phosphorus ဓါတ်များလည်း ပါဝင်

(၂) အရည်အသွေးမြင့်တဲ့ ပရိုတိန်းဓါတ်တွေပါဝင်သည်။

– ကြက်ဥတစ်လုံးမှာ အရည်သွေးကောင်း ပရိုတိန်း 6.3 grams ခန့်ပါဝင်။

– ယင်းပရိုတိန်းမှာ ခန္ဓာအတွက် (ကြိးထွားဖွံ့ဖြိုးဖို့နဲ့ ကျန်းမာကြံခိုင်စေတဲ့) လိုအပ်တဲ့ amino acids ၉ မျိုးပါဝင်။

(၃) ကြက်ဥဟာ Good Cholesterol Level ကိုမြှင့်တင်ပေးနိုင်၊

– good cholesterol level (high-density lipoprotein (HDL)) မြှင့်တင်ပေးမှုက နှလုံးရောဂါဖြစ်ပွါးနိုင်ချေကို လျော့ချပေးနိုင်။ Low-density lipoprotein (LDL) သို့မဟုတ် bad cholesterol များကနှလုံးရောဂါများဖြစ်ပွါးနိုင်ချေကို များစေ။

(၄) Omega-3 ကြွယ်ဝတယ်

(၅) ဝိတ်လျော့ဖို့အတွက် အထောက်အကူပြုတယ်၊

(၆) မျက်စိကျန်းမာရေးအတွက် အ‌ထောက်အကူပြုသော Antioxidants များပါဝင်တယ်။ စသဖြင့် အကျိုးကျေူးဇူးတွေလည်း ရနိုင်ပါတယ်။

အရမ်းမွှေးစိမ့်တဲ့ လက်ဖက်ကြက်ဥ လုပ်နည်းပါ။ (ကြက်ဥ ၁၀လုံးစာ ဖြစ်ပါတယ်။ လုပ်ရတာလည်း လွယ်ကူပါတယ်။ သုံးတဲ့ ပစ္စည်းတွေကလည်း ဝယ်ရတာ လွယ်ပါတယ်။)

ပါဝင်ပစ္စည်း

ကြက်ဥ ၁၀ လုံး၊ လက်ဖက်ခြောက် ထမင်းစားဇွန်း ၂ ဇွန်း၊ နာနတ်ပွင့် ၄ ပွင့်၊ ကရဝေးရွက် ၂ ရွက်၊ ဂျင်း ၂ ပြား၊ သစ်ဂျပိုးခေါက် ၁ ခု၊ ငရုပ်သီးအနီခြောက် ၂ တောင့်၊ ဟွားကြောင်း (မာလဟင်းထဲက လျှာထုံ) (မရှိလျှင် ငရုပ်ကောင်း လှော်မှုန့်ထည့်) လက်ဖက်ရည်ဇွန်း ၂ ဇွန်း၊ သကြား ထမင်းစားဇွန်း ၁ ဇွန်း၊ ပန်းကန်လုံးမှာ ပဲငံပြာရည် အကြည် ၁ ပုံ အနောက် ၃ ပုံရော။

ပြုလုပ်နည်း

ကြက်ဥကို ၁၀ မိနစ်ပြုတ်။ အအေးခံပြီး ဇွန်းနဲ့ အခွံကို အက်အောင် အသာလေးရိုက်။ ပြုတ်မဲ့အိုးမှာ ရေ (ကြက်ဥနစ်သလောက်) အစာပလာတွေနဲ့ ကြက်ဥနဲ့ ရောပြီး ပြန်ပြုတ်။ ပွက်ရင် မီးအေးအေးနဲ့ မိနစ် ၃၀ ပြုတ်။

ပြီးရင် စားချင်စားလို့ရပါတယ်။ အရသာပိုကောင်းချင်ရင် ရေခဲသေတ္တာမှာ တစ်ည ပြုတ်ရည်နဲ့ စိမ်ထားပါ။ နှစ်ညလောက်ဆို ပိုပြီးကောင်းပါတယ်။ အရသာ အထဲထိ ပိုဝင်ပါတယ်။

အေးနေတဲ့ ကြက်ဥကို သူ့အရည်နဲ့ ပူအောင် ပြန်ပြုတ်ပြီး ပူပူလေး စားလို့ရသလို အေးအေးလေးလည်း စားလို့ကောင်းပါတယ် ခင်ဗျာ။

Credit : မူရင်းရေးသားသူ