ဒီလို ခေတ်ပျက်ကြီး အတွင်းမှာ ရိုးသားပြီး ကိုယ်ချင်းစာစိတ်ရှိသူ တချို့ ရှိသေးတယ်ဆိုတာ ဒီနေ့ကိုယ်တိုင် ကြုံတွေ့လိုက်ရတယ်

ဒီလို ခေတ်ပျက်ကြီး အတွင်းမှာ ရိုးသားပြီး ကိုယ်ချင်းစာစိတ်ရှိသူ တချို့ ရှိသေးတယ်ဆိုတာ ဒီနေ့ကိုယ်တိုင် ကြုံတွေ့လိုက်ရတယ်

နေ့လည်က Kpay နံပတ်တစ်ခုထဲကို ငွေ လေးသိန်းကျော် မှားလွှဲမိလိုက်တယ်။မှားလွှဲမိတာကို အခုညမှသိလိုက်ရတာ။

ကိုယ့်ဘက်ကမှားလွှဲမိတာဆိုတော့ ပြန်ရလိမ့်မယ်လို့မထင်ထားဘူး။ဘာပဲဖြစ်ဖြစ် ပြန်ရလိုရငြားဖုန်းဆက်ကြည့်လိုက်မယ်လို့တွေးပြီး မရဲတရဲဖုန်းဆက်မေးကြည့်လိုက်တယ်။

နေ့လည်ကတည်းက ဘယ်ကမှန်းမသိတဲ့ငွေလေးသိန်းကျော်ဝင်ထားတယ်ဆိုတဲ့အကြောင်း၊ဖုန်းဆက်လာခဲ့သည်ရှိသော် ပြန်လွှဲပေးမယ်လို့တွေးထားတဲ့အကြောင်း၊ ခုလိုလူတိုင်းအဆင်မပြေကြတဲ့အချိန်မှာ မှားလွှဲလာသူကို ကိုယ်ချင်းစာမိတဲ့အကြောင်း အသက်(၄၀)အရွယ်အမျိုးသမီးက ချိုချိုသာသာပြန်ပြောလာပါတယ်။

သိပ်မကြာပါဘူး အဲ့ဒီလေးသိန်းကျော်ကို တပြားမှမလျော့ဘဲ ကိုယ့်အကောင့်ထဲကို ပြန်လွှဲလာပေးပါတယ်။

ရင်ထဲမှာ အတိုင်းမသိဝမ်းသာပြီးကျေးဇူးတင်စိတ်တွေတဖွားဖွားဖြစ်မိတယ်။လူကောင်းသူကောင်းနဲ့တွေ့လို့ပေါ့၊‌ကျေးဇူးတင်လိုက်တာလို့ သူ့ကိုထပ်ခါထပ်ခါပြောနေမိတယ်။

ကျေးဇူးတင်လွန်းလို့ ဖုန်းဘေလ်ဖြည့်ဖို့ သူ့ကိုနှစ်သောင်းလွှဲပေးတာကို သူများအပူဖြစ်နေတဲ့အချိန် မလိုချင်ပါဘူးဆိုပြီး အဲ့ဒီနှစ်သောင်းလည်းပြန်လွှဲလာပေးပြန်တယ်။

အဲ့ဒီအမျိုးသမီးက ရှမ်းပြည်နယ်မြောက်ပိုင်း သီပေါမြို့သူပါ။ နာမည်က မချိုချိုဝင်းတဲ့။အခုတော့ သူ့အမျိုးသားတာဝန်ကျတဲ့မြို့ဆီလိုက်နေနေပါသတဲ့။

သူ့မိဘ၊အမမိသားစုက သီပေါဈေးထဲမှာ “ဝင်းဌေး”ကုန်စုံဆိုင်ဖွင့်ထားတယ်လို့ပြောပါတယ်။

အခုလို လူလိမ်လူကောက်များတဲ့ခေတ်ကြီးမှာ ရိုးသားပြီးလူသားဆန်တဲ့ မချိုချိုဝင်းကို ဆုတွေအများကြီးတောင်းပေးလိုက်ပါတယ်။

“မချိုချိုဝင်းတို့ မိသားစုအားလုံး အရာရာ လွယ်ကူအဆင်ပြေပြီး ကျန်းမာချမ်းသာကြပါစေ” လို့

Source : Chan Mya Mya Nyein Nyein’s Facebook